స్కానింగ్ కోసం దుస్తులు మార్చుకుంటుండగా వీడియో.. వార్డ్ బోయ్ అరెస్ట్

పూణెలో దారుణానికి తెగబడ్డ ఓ వ్యక్తిని పోలీసులు అరెస్ట్ చేశారు. వివరాల్లోకి వెళ్తే, పొత్తి కడుపులో నొప్పి కారణంగా ఓ ఆసుపత్రిలో ఒక మహిళ అడ్మిట్ అయింది. ఎమ్మారై స్కానింగ్ చేయించుకోవాలంటూ డాక్టర్లు ఆమెకు సూచించారు. వైద్యుల సూచన మేరకు ఆమె ఎమ్మారై స్కానింగ్ కు సిద్ధమైంది.

ఈ నేపథ్యంలో, దుస్తులు మార్చుకునే గదిలో కాకుండా మరో గదిలో దుస్తులు మార్చుకోవాలని వార్డ్ బోయ్ ఆమెకు చెప్పాడు. ఆ తర్వాత ఆ గదిలో ఓ ఫోన్ ఉన్నట్టు ఆమె గమనించి, భర్తకు తెలియజేసింది. ఆ ఫోన్ ను వారు పరిశీలించగా, దుస్తులు మార్చుకుంటున్న దృశ్యాలు అందులో ఉన్నాయి. దీంతో, వీరు కోరేగావ్ పోలీస్ స్టేషన్ లో ఫిర్యాదు చేశారు. కేసు నమోదు చేసిన పోలీసులు వార్డ్ బోయ్ లకేష్ లాహు (25)ని అరెస్ట్ చేశారు.